Lexoni edhe:
Kompania nga Podujeva kërkon punëtorë, ofron pagë mbi 1 mijë euro
Po finalizohet edhe kyçja e lagjes Arbëria në Termokos
Kryeshefi ekzekutiv i Termokosit, Fisnik Osmani ka njoftuar se punimet për kyçjen e lagjes “Arbëria” në sistemin e ngrohjes janë duke u finalizuar, transmeton "Kosova Sot Online ".
Osmani ka theksuar se gjatë ditës ka përcjellë nga afër punimet me kryetarin e Prishtinës, Përparim Rama.
“E nisëm ditën me Kryetarin e Prishtinës Përparim Rama – në qendrën e qytetit, aty ku po finalizojmë kyçjen e lagjes Arbëria. Jemi gati për sezonin e ardhëm të ngrohjes!
Do të vazhdojmë tutje edhe ne objekte të tjera publike me rëndësi të veçantë, brenda kapacitetit aktual termik të cilin e kemi! Termokos, sinonim i Prishtinës së gjelbër”, ka theksuar ai.
Osmani para disa ditësh ka deklaruar se do të përfshijnë edhe dy lagje në sistemin e ngrohjes nga sezoni tjetër.
(Kosova Sot Online )
