Hasani rrëfen përballjen me Arkanin: Jemi takuar ballë për ballë

Për përballjen që kanë pasur me Arkanin gjatë kohës sa ishte mbajtur në burgjet e Serbisë, ka rrëfyer ish i burgosuri politik Nait Hasani, transmeton gazeta “Kosova Sot Online”.

Ai ka treguar se si ishin përballë sy më sy me Arkanin, pasi në burg e kishte sjellë drejtori serb i burgut.

Hasani thotë se ai ua kishte pyetur emrin e mbiemrin, derisa drejtori serb i burgut i kishte thënë se “këta janë terrorista”.

“Jam takuar ballë për ballë. Na ka pyet emrin mbiemrin. Drjetori i ka thanë këta janë terrorista.Arkani na shikonte”, ka thënë Hasani.

Ai thotë se s’kanë pasur fare frikë, meqë ishin përcaktuar shpirtërisht dhe ishin të mësuar me vdekjen çdo ditë.

“Ne ishim përcaktuar shpirtërisht. Vdekjen e kishim cdo ditë. Ne ishim të përgatitur që mund të vriteshim”, ka thënë ai.

(Kosova Sot Online)