Osmani takohet me presidentin gjerman Steinmeier
Në një vizitë zyrtare në Berlin, aktualisht është duke qëndruar presidentja e Kosovës, Vjosa Osmani, transmeton gazeta “Kosova Sot Online”.
Ajo tha se në kuadër të margjinave të “SOWG Berlin, 2023”, ka takuar edhe presidentin e Gjermanisë, Frank-Walter Steinmeier.
Me homologun e saj, Osmani tha se pati rastin që të diskutojë për zhvillimet e fundit në Kosovë.
“Në frymën e marrëdhënieve të shkëlqyera Kosovë-Gjermani, konfirmuam gatishmërinë për bashkëpunim dhe koordinim të vazhdueshëm në dobi të paqes dhe stabilitetit rajonal”, ka shkruar ajo.
(Kosova Sot Online)