Vuçiq pretendoi se Kovaçevski i reagoi ashpër Kurtit për vizitën në Tetovë, kryeministri maqedonas jep detaje
Kryeministri, Dimitar Kovaçevski, sot u pyet për pretendimet e presidentit e Serbisë, Aleksandar Vuçiq se gjoja në Athinë ai i ka reaguar ashpër kryeministrit të Kosovës, Albin Kurti për vizitën e Kurtit në Çair dhe Tetovë, përcjell “Kosova Sot Online”.
Kovaçevski nuk tregoi saktë se çfarë ka ndodhur në Athinë, por as nuk i konfirmoi pretendimet e presidentit serb.
“Dinamika e deklaratave individuale dhe akte individuale nuk mund të diktojnë diskursin kryesor të fqinjësisë së mirë dhe synimin për anëtarësim në Bashkimin Evropian. Këtë e konfirmoi edhe biseda ime me presidentin serb, veçanërisht dhe deklarata e tij mirëpo në ditët e kaluara ashtu siç mund të ishit dëshmitarë edhe për deklaratën e kryeministrit kosovar i cili tha se jashtëzakonisht shumë e vlerësojmë Maqedoninë e Veriut dhe gjithçka që është e rëndësishme për marrëdhëniet e mira nder fqinjësore”, tha Kovaçevski.
(Kosova Sot Online)