Kurti ndryshon një vendim për mësimdhënësit e UP’së
Kryeministri Albin Kurti ka ndryshuar një vendim që ishte marrë në kohën sa Kryeministër i Kosovës ishte Hashim Thaçi, transmeton gazeta “Kosova Sot Online”.
Bëhet fjalë për vendimin që u mundësonte mësimdhënësve të Universitetit të Prishtinës që kanë mbushur 65-vjeç pas fillimit të vitit akademik, t’u vazhdoheshin kontratat deri në përfundim të atij viti akademik.
Me ndryshim plotësimin e këtij vendimi, mësimdhënëseve të UP’së që kanë arritur moshën e pensionimit do t’u vazhdohen kontratat deri në përfundim të vitit akademik, “vetëm në rast se rrezikohet akreditimi i programit në të cilin mësimdhënësi është bartës ose i angazhuar”.
(Kosova Sot Online)