Rama: Ministri i Financave s’po e jep firmën edhe pse e kemi dizajnu unazën 350 milionëshe të kryeqytetit
Kryetari i Prishtinës, Përparim Rama, ka deklaruar se e kanë kryer dizejnimin e unazës së kryeqytetit, transmeton gazeta “Kosova Sot Online”.
Rama tha se ky projekt 350 milionë eurosh i duhet Prishtinës dhe se tash e katër muaj po e presin një nënshkrim nga ministri i Financave, Hekuran Murati.
“E kemi përfundu dizajnin e unazës së kryeqytetit. Jemi në pritje të një nënshkrimi qe katër muaj prej ministrit të Financave për me leju me vazhdu në pjesën tjetër. Është një projekt madhor i kryeqytetit i cili është mëse i nevojshëm”, tha Rama.
“Na vyen një firmë e ministrit të Financave, për fat të keq. Nuk po e jep për momentin”, tha Rama.
I pyetur se pse Murati nuk po nënshkruan, Rama tha se “ministrit i duket shumë e madhe” paratë që parashihen të investohen.
(Kosova Sot Online)