Ky është i riu nga Kosova Shqipron Muçiqi që u ther me thikë për vdekje në territorin e Serbisë

Një shtetas i Kosovës, është gjetur pa shenja jete në territorin e Serbisë, ka njoftuar Ministria e Punëve të Jashtme dhe Diasporës nëpërmjet Zyrës Ndërlidhëse të Republikës së Kosovës në Serbi, transmeton gazeta "Kosova Sot Online".

Familjarë të viktimës kanë njoftuar në Facebook për vdekjen e të riut Shqipron Muçiqi, duke thënë se ai vdiq në “rrethana të paqarta”, krahas njoftimit është publikuar edhe foto e viktimës.

Njoftimi i plotë i familjes:

Afër pikës kufitare Serbi-Kroaci që gjendet në fshatin Batrovc në rajonin e Vojvodinës në Serbi është raportuar nga mediat serbe se janë sulmuar dy të rinj nga Kosova nga disa persona të panjohur.

Njëri prej tyre, 19 vjeçar, ka vdekur nga plagët e marra me thikë, siç raportoi sot mediumi serb “Blic”.

Polica në Sremska ka konfirmuar se është gjetur trupi i një personi të panjohur dhe se autori “është duke u kërkuar intensivisht”.

(Kosova Sot Online)