![Tërmet i fortë në Greqi](/uploads/kosova-sot/images/2024/July/27/200x200_IMG_57691722035783.jpeg)
Avokati përcjell fjalët e Radojiçiq: Vrasja e policit ndodhi aksidentalisht, më pas pati përleshje të ashpër
![Avokati përcjell fjalët e Radojiçiq: Vrasja e policit ndodhi aksidentalisht, më pas pati përleshje të ashpër](/uploads/kosova-sot/images/2023/September/29/auto_822615_22222_f-600x3601695991063.png)
Terroristi Milan Radojiçiq ka pranuar se ka marrë pjesë në sulmin terrorist të së dielës kundër Policisë së Kosovës dhe se ka kryer të gjitha përgatitjet logjistike, ka thënë avokati i tij Goran Petronijeviq, i cili sot lexoi letrën e Radojiçiqit.
Ai ka thënë se vrasja e policit Afrim Bunjaku ka ndodhur “aksidentalisht”, derisa thotë se nuk është terrorist, por luftoi për “atdheun”.
“Vdekja e pjesëtarit të Policisë së Kosovës ka ndodhur rastësisht dhe më pas ka pasur një përleshje të ashpër nga të dyja palët. Të jetë e qartë për të gjithë se ne nuk jemi terroristë, por luftëtarë për lirinë e popullit tonë”, tha ai, shkruan Danas.
Ai tha se është i gatshëm “t’i përgjigjet ftesës së organeve kompetente të Republikës së Serbisë lidhur me këtë ngjarje”.
Ai e përfundoi fjalimin me fjalinë “Rroftë Serbia”.
(Kosova Sot Online)