Dy të arrestuar për fajde e detyrim në Prishtinë e Lipjan

Nën dyshimin e bazuar se janë kryer veprat penale ‘Fajde’ dhe ‘Detyrim’, Drejtoria për Hetimin e Krimit të Organizuar nga Departamenti i Krimeve të Rënda, në bashkëpunim me Prokurorinë Themelore – Prishtinë, ka zhvilluar një operacion policor në dy lokacione të ndryshme, transmeton gazeta "Kosova Sot Online".

“Me datë 04.10.2023 DHKOKR ka zbatuar urdhëresën e gjykatës kompetente, me ç’rast në Prishtinë dhe Lipjan është zhvilluar operacioni policor gjatë të cilit janë sekuestruar në cilësi të provave materiale:  Një revole, tre telefona mobil, një automjet, 915 euro, shënime/ evidenca që dyshohet  se ndërlidhen me veprat e lartcekura”, njofton policia.

Lidhur me rastin, pas arrestimit të dy personave të dyshuar me iniciale L.A. dhe  S.A., të njëjtit i janë nënshtruar procesit të intervsitimit, pas të cilit me aktvendim të prokurorit kompetent të njëjtit dërgohen në mbajtje për 48 orë, ka konfirmuar policia.

(Kosova Sot Online)