Lazarevic: Serbët nga Kosova besonin se ushtria serbe do të vinte vërtetë, Bansjka ishte një projekt i qeverisë serbe

Redaktorja e portalit KoSSev, Tatjana Lazarevic, ka deklaruar se serbët nga veriu i Kosovës kanë besuar vitin e fundit se ushtria serbe do të kthehet në Kosovë dhe se ky është produkt i lajmeve të rreme që janë pranuar në popullatë. Duke folur për Milan Radoiçiqin, ajo tha se ai është “projekt i qeverisë”.

Ajo në emisionin “Prapa lajmeve” tha se atmosfera në Mitrovicë krahasohet me Irlandën e Veriut, gjegjësisht me Belfastin dhe se presidenti Aleksandar Vuçiq ishte i pari që e tha publikisht këtë në vitin 2021.

“Unë nuk do të hyja në ato paralele.Do të thosha se ky është akti i tretë i dramës. Ky është një moment shumë i vështirë. Nuk ka rënë nga qielli, sepse popullsia ka shumë vite që jeton në një ngjashmëri. Banjskë nuk ra nga qielli, pavarësisht se i gjithë komuniteti nga veriu u gjend në një lloj tronditjeje. Më duhet të them se në tre vitet e fundit, e sidomos vitin e kaluar, është përhapur një histori, gjegjësisht një lajm i rremë, i cili është pritur shkëlqyeshëm nga serbët – se Serbia kurrë nuk ka qëndruar më mirë në skenën ndërkombëtare dhe se qeveria e di se çfarë po bën, si dhe se ushtria do të vijë”, tha ajo.

Ajo shpjegon se ky besim ka ardhur nga vendimi i autoriteteve serbe për t’u tërhequr nga institucionet e Kosovës.

“Kishte një histori se ushtria serbe do të kthehej dhe se lajmet e rreme u ushqyen me shumë kujdes paralelisht me intensifikimin e krizës në veri. Jam i sigurt se ajo është ushqyer nga strukturat serbe dhe ka qenë e lehtë për t’u parë. Në veri, serbët janë një komunitet i vogël, ai lajm është përhapur përmes kanaleve të verifikuara, nëse jo – gojë më gojë. Gjithashtu është transmetuar nga mbledhjet e komisionerëve deri te institucionet”, tha Lazaveriq.

Ajo konfirmon se serbët kanë përjetuar një “dush të ftohtë” pas ngjarjeve në Banjskë, por gjithashtu thekson se së shpejti “do të rrokulliset sërish ndonjë histori e ngjashme”.

“Kjo nuk është hera e parë që publikohet lajmi për kthimin e ushtrisë në Kosovë”, ka thënë redaktorja e portalit Kossev.

Ajo vlerëson se qytetarët e kombësisë serbe janë të zhgënjyer, por shumë prej tyre ende nuk do ta përmendin publikisht emrin e Milan Radoçiqit, sepse ende kanë ndjenja që ai të luftojë për interesat kombëtare serbe.

“Unë ende e shoh si një projekt të qeverisë. Kur e them këtë, dua të them se mund të jenë edhe autoritete zyrtare edhe parashtetërore… Ai ishte zbatuesi thelbësor i Marrëveshjes së Brukselit”, vuri në dukje Lazarevic e cila thekson se pavarësisht se çfarë ka ndodhur, presidenti Aleksandar Vuçiq nuk e ka humbur ndikimin e tij te serbët në Kosovë.

“Jam i sigurt se çfarëdo që Vuçiq të urdhërojë apo të kërkojë nga serbët në veri, serbët do ta kryejnë pa asnjë problem. Edhe ata që e kritikojnë tani… Serbët gjithmonë kanë përsëritur besnikërinë e tyre ndaj Beogradit. Sa më shumë humbte Serbia në Kosovë, aq më besnikë ishin qytetarët ndaj Serbisë.

“Çfarëdo qeverie që të vijë në Beograd, serbët gjithmonë do të zgjedhin shtetin serb” përfundoi Lazarevic.

(Kosova Sot Online)