Ministrat e NATO’s diskutojnë nesër për situatën në Kosovë
Një takim i Ministrave të Mbrojtjes të NATO-s do të zhvillohet sot dhe nesër në selinë e NATO-s në Bruksel, përcjell “Kosova Sot Online”.
Takimi do të drejtohet nga Sekretari i Përgjithshëm i NATO-s, Jens Stoltenberg. Derisa për herë të parë në selinë e NATO-s shkoi presidenti i Ukrainës, Volodymyr Zelensky.
Sekretari i Përgjithshëm Stoltenberg i tha Presidentit Zelensky se lufta e Ukrainës është edhe luftë e NATO-s dhe i konfirmoi mbështetjen për anëtarësim në NATO.
“Lufta juaj është lufta jonë, siguria juaj është siguria jonë dhe vlerat tuaja janë vlerat tona. Dhe ne do të qëndrojmë pranë Ukrainës për aq kohë sa të duhet. Ne do të forcojmë më tej marrëdhëniet tona dhe do të ndihmojmë Ukrainën të shkojë drejt anëtarësimit në NATO”.
Tema për ngjarjet në Kosovë pas sulmit terrorist do të jetë në agjendën e ditës së nesërme, siç ka njoftuar zëdhënësi i NATO-s, Dylan White.
#NATO Defence Ministers will discuss #Ukraine, deterrence & defence, Kosovo, Middle East. SG @jensstoltenberg w/ @ZelenskyyUa: “your fight is our fight, your security is our security, your values are our values. We will stand by 🇺🇦 for as long as it takes”https://t.co/fhm8xPjFap pic.twitter.com/koQN9fywan
— Dylan White (@NATOpress) October 11, 2023
(Kosova Sot Online)
