Bislimi vizitën në Francë e nisi me një mëngjes pune me përfaqësues diplomatikë, i informon për sulmin e 24 shtatorit

Vizitën zyrtare në Francë, zëvendëskryeministri i parë, Besnik Bislimi e ka nisur me një mëngjes pune me përfaqësues diplomatikë të disa prej shteteve anëtare në Francë.

Prezent aty ishin ambasadori çek, Michal Fleischmann, Zëvendës Shefi i Misionit të Polonisë dhe ai i Italisë, Ëieslaë Tarka e Antonio Cascio dhe i Ngarkuari me Punë i Bullgarisë, Emil Kazakov.

“Vizita zyrtare në Francë e Zëvendëskryeministrit të parë për Integrim Evropian, Zhvillim dhe Dialog i Republikës së Kosovës, Besnik Bislimi, filloi me një mëngjes pune me përfaqësues diplomatikë të disa prej shteteve anëtare në Francë, ku ishin prezent Ambasadori i Republikës së Çekisë, Michal Fleischmann, Zëvendës Shefi i Misionit të Polonisë dhe ai i Italisë, Ëieslaë Tarka e Antonio Cascio dhe i Ngarkuari me Punë i Bullgarisë, Emil Kazakov.”

Në njoftim thuhet se në takim është zhvilluar bisedë e frytshme.

“Ai zhvilloi një bisedë të frytshme me përfaqësuesit diplomatikë të këtyre shteteve, të cilët fillimisht i falënderoi për mbështetjen e shteteve të tyre ndaj Republikës së Kosovës.”

Bislimi i ka informuar ata për hapat në zhvillim ekonomik e integrim evropian, në procesin e dialogut dhe situatën aktuale pas sulmit të 24 shtatorit.

“Zëvendëskryeministri Bislimi i informoi ata për hapat tanë në zhvillim ekonomik e integrim evropian, si dhe mbi procesin e dialogut dhe situatën aktuale, përfshirë sulmin terrorist e aktin e agresionit të 24 shtatorit të sponsorizuar e mbështetur nga Serbia.”

“U theksua se Kosova po performon pozitivisht në indikatorë të ndryshëm përtej barrierave e pengesave me të cilat vendi ynë është përballur. Zëvendëskryeministri Bislimi shtoi se në vazhdimësi po dëshmojmë vullnetin dhe angazhimin e Republikës së Kosovës në avancimin e agjendës evropiane. Në këtë takim, zëvendëskryeministri Bislimi shoqërohej nga ambasadori i Republikës së Kosovës në Francë, Mehdi Halimi.”

(Kosova Sot Online)