Elek pasi u zgjodh kryetar i Listës Serbe: Të gjitha vendimet e rëndësishme politike do ti marrim në koordinim me Beogradin
Në seancën e sotme të Kuvendit të Listës Serbe të mbajtur në selinë e partisë në Mitrovicë, në mënyrë unanime është zgjedhur kryetar i ri Zlatan Elek, përcjell “Kosova Sot Online”.
Siç thuhet në njoftim, Eleku, i cili zëvendëson Goran Rakiqin, ka falënderuar delegatët e Listës Serbe për mbështetjen, besimin dhe nderimin e treguar ndaj tij.
Elek, siç thuhet në njoftim, theksoi se “Lista Srpska do të vazhdojë të jetë strumbullar rreth të cilit do të mblidhet populli serb në Kosovë në periudhën e ardhshme, si dhe se të gjitha vendimet e rëndësishme politike do të merren gjithmonë në koordinim me Beogradin zyrtar dhe në interes të mbarë popullit serb, duke ruajtur unitetin aq të nevojshëm aktualisht”.
(Kosova Sot Online)