Petkoviç flet i zemëruar pasi Hovenier tregoi parimet për Asociacionin: Nuk mund të jetë një OJQ

Ambasadori i SHBA-së në Prishtinë, Jeff Hovenier, sot një konferencë për media ka folur për draftin evropian për Asociacionin dhe parimet mbi të cilat është shkruar. Hovenier ka thënë se s’ka kompetenca ekzekutive dhe s’bëhet fjalë për autonomi.

Me zemërim pas kësaj deklarate ka reaguar drejtori i të ashtuquajturës “Zyra për Kosovën” në qeverinë serbe, Petar Petkoviç. Ai ka thënë se Asociacioni “nuk do të jetë një organizatë joqeveritare siç duan disa përfaqësues perëndimorë”.

Ai ka përmendur kompetencat ekzekutive për çështjet më të rëndësishme sociale.

“Asociacioni është korniza dhe garantuesi më konkret për ruajtjen e të drejtave kolektive dhe individuale, si dhe kompetencat ekzekutive të negociuara për serbët në Kosovë në çështjet më të rëndësishme sociale, ekonomike, politike, kulturore, zhvillimore, ekonomike dhe të sigurisë”, ka thënë Petkoviç.

“Kushdo që nuk dëshiron të respektojë marrëveshjet, por edhe të drejtën ndërkombëtare, të mos mendojë të pezullojë në mënyrë të njëanshme të gjitha marrëveshjet dhe marrëveshjet e vlefshme nga Brukseli nga viti 2013 dhe 2015, të cilat përcaktojnë qartë kompetencat e Asociacionit dhe të mos mendojë për anulimin e të gjitha arritjeve të dialogut të deritanishëm”, ka theksuar Petkoviç.

Ai ka shtuar se “Fatkeqësisht, jemi dëshmitarë se të fortët nuk kujdesen për të drejtën ndërkombëtare, por asnjëherë nuk do të heqim dorë nga faktet dhe parimet”.

(Kosova Sot Online)