Ambasadori i Izraelit në Beograd: Serbia, mike e konfirmuar dhe e bëri këtë edhe një herë në këto kohë sfiduese
Ambasadori i Izraelit në Beograd, Yahel Vilan, e ka quajtur Serbinë mike të vërtetë, pasi kombëtarja izraelite u mposhtë të dielën në Kosovë, përcjell “Kosova sot Online”.
Ai ka shkruar se Serbia e ka dëshmuar veten si mike “dhe e bëri këtë edhe një herë në këto kohë sfiduese”.
“Dua t’i mohoj me forcë deklarimet e trajnerit të ekipit kombëtar të futbollit dhe të riafirmoj vlerësimin e thellë të Izraelit për Serbinë dhe popullin serb. Serbia e kishte dëshmuar veten si mike e vërtetë dhe e bëri këtë edhe një herë në këto kohë sfiduese, veçanërisht në fushën e sportit, kur Beogradi është shtëpi e tri skuadrave tona të basketbollit”, ka shkruar ambasadori Vilan.
Kosova e mposhti me rezultat 1:0 Izraelin të dielën mbrëma në “Fadil Vokrri”.
I wish to vehemently disavow the words of the coach of Israel's national football team and to reaffirm Israel's deep appreciation for Serbia and the Serbian people. Serbia had proved itself as a true friend and doing so once again during these challenging times, especially in…
— amb Yahel Vilan (@AmbassadorVilan) November 12, 2023
(Kosova Sot Online)