Shtetasi suedez mori me qera dy vetura në aeroportin “Adem Jashari" dhe nuk i ktheu më

Një shtetas i Suedisë ka marr dy vetura në “rent car” dhe nuk i ka kthyer në kohën që është dashur t’i kthejë, përcjell “Kosova Sot Online”.

Sipas raportit 24 orësh të Policisë së Kosovës bëhet e ditur se ngjarja ka ndodhur më datë 26.11.2023 rreth orës 14:13 në aeroportin “Adem Jashari”.

Rasti lidhur me këtë ngjarje është duke u hetuar.

Njoftimi i Policisë:

SHPËRDORIM I PASURISË SË HUAJ

ANP-Adem Jashari 26.11.2023 – 14:13. Raportohet se i dyshuari mashkull shtetas i Suedisë, ka marr dy vetura në ‘Renta Car’ dhe nuk i ka kthyer në kohën që është dashur t’i kthejë. Sipas ankuesit mashkull kosovar. Rasti është duke u hetuar.

(Kosova Sot Online)