Personi i katërt i arrestuar për rastin e Liridonës, dyshohet se ua shiti armën autorëve të vrasjes
Në Gjakovë sot është arrestuar edhe personi i katër i dyshuar për rastin e vrasjes së Liridona Ademajt, transmeton "Kosova Sot Online".
Sipas burimeve i arrestuari është Tomë Dodaj nga Gjakova.
Ai dyshohet se u ka shitur armën e cila është përdorur në vrasje dorasit Granit Plava dhe Naim Murselit.
Naim Murseli, dyshohet se porositi vrasjen e gruas së tij Liridonës, duke i premtuar 30 mijë euro Granit Plavës që ta kryente vrasjen. Ndërsa, Kushtrim Kokalla dyshohet për marrëveshje për të kryer veprën penale vrasja e rëndë.
(Kosova Sot Online)