Lexoni edhe:
Shpenzime marramendëse për Superligën, 15 miliardë euro të garantuara për tri sezonet e para
Shtetet e Bashkuara dorëzojnë ndihmën e fundit ushtarake për Ukrainën
Shtëpia e Bardhë ka miratuar një tjetër paketë të ndihmës ushtarake amerikane për Ukrainën, me vlerë rreth 250 milionë dollarë, shkruan BBC, transmeton "Kosova Sot Online ".
Paketa e fundit përfshin mbrojtje ajrore, municione për artileri dhe armë të vogla dhe ato antitank, thonë zyrtarët amerikanë.
Por është financimi i fundit i miratuar nga Shtetet e Bashkuara, pas bllokimit të bisedimeve për vazhdimin e ndihmës në Kongres.
Ukraina ka paralajmëruar se përpjekjet e luftës dhe financat e saj publike janë në rrezik, nëse ndihma e mëtejshme nga Perëndimi nuk arrin.
Mes një kundërofensive të ngecur në lindje të vendit dhe ndryshimeve të vogla në vijën e kontrollit, zyrtarët ukrainas përballen me mundësinë e ngadalësimit të ndihmës nga aleatët në Uashington dhe Evropë.
Megjithëse përpjekja e luftës në Ukrainë ka mbështetje të gjerë në Kongresin e SHBA, një marrëveshje e mëtejshme armësh është ngecur nga republikanët të cilët këmbëngulin se masat më të forta të sigurisë në kufirin SHBA-Meksikë duhet të jenë pjesë e çdo marrëveshje ndihme ushtarake.
Një masë shpenzimesh emergjente që do të kishte siguruar 50 miliardë dollarë për Ukrainën dhe 14 miliardë dollarë për Izraelin dështoi në Senat në fillim të këtij muaji, me të gjithë republikanët që votuan kundër – së bashku me Bernie Sanders, një kandidat i pavarur që zakonisht voton me demokratët, por shprehu shqetësim për luftën në Gaza.
(Kosova Sot Online )
