"Nuk jemi dele"-Prishtinasit paralajmërojnë protestë më 14 janar për hapjen e rrugës “Xhorxh Bush”

Disa qytetarë të Prishtinës kanë paralajmëruar protestë më 14 janar për hapjen e rrugës “Xhorxh Bush”.

Njoftimi për protestën u bë nga faqja “Vrojtuesit e Lagjes – Prishtinë” në Facebook, ku raportohen problemet e ndryshme të kryeqytetit, transmeton "Kosova Sot Online".

Lexoni edhe:

Skandal në Spanjë, Sergio Ramos rezultoi me doping! UEFA mbulon rastin

Rruga “Xhorxh Bush” është shndërruar në shesh për këmbësorë dhe vijon të jetë e mbyllur për autobusë dhe vetura.

“Pas mbylljes së rrugës, kemi përballuar një problem të vazhdueshëm me trafikun dhe kollonat e gjata që kanë shkaktuar ndërprerje në qarkullim. Protesta jonë është e organizuar në mënyrë paqësore dhe e ligjshme për të shprehur nevojën tonë për të hapur këtë rrugë të rëndësishme për qytetarët e lagjes”, thuhet në njoftim.

“Data e protestës është 14.01.2024, ku pritet të mblidhemi në pikën e mbylljes së rrugës Xhoxh Bush në një shenjë solidariteti dhe thirrje për veprime. Protesta do të fillojë në orën 12:00 dhe do të mbahet në mënyrë paqësore. Ju lutemi të bashkoheni në këtë thirrje për hapjen e rrugës dhe për zgjidhjen e problemit të trafikut që ka prekur komunitetin tonë për një kohë të gjatë”, kanë bërë të ditur “Vrojtuesit e Lagjes – Prishtinë”.

Në posterët për protestën shihet kryetari i Prishtinës, Përparim Rama dhe ka një mbishkrim: “Ne nuk jemi popull dele që pranon të heshtë në prani të sfidave dhe problematikave të kryeqytetit tonë”.

1 / 2

2 / 2

(Kosova Sot Online )