Mediumi i Vuçiqit sulmon avokatin e Sanduloviqit që paralajmëroi se do te vendos lule në Prekaz

Avokati serb Cedomir Stojkoviq ka paralajmëruar se nesër në orën 15:00 do të vijë në Prekaz për të vendosur lule në varret e familjes Jashari.

Mediat në Serbi që kontrollohen nga presidenti serb Aleksandar Vuçiq nisën menjëherë sulmin ndaj Stokjoviqit.

Kështu portali Informer që njihet si medium që ia mban anën presidentit pretendon se nga “burime të mirëinformuara” ka mësuar se Stojkoviç do të marrë një shumë të konsiderueshme parash për të shkuar në varrezat e Jasharajve.

Për më tepër ky medium spekulon se njejtë është vepruar edhe me klientin e tij Nikola Sanduloviq, i cili sipas mediumit që dirigjohet e kontrollohet nga presidenti serb, ka marrë 20 mijë euro nga AKI për t’u mburrur në rrjete se ka vendosur lule në varrin e Adem Jasharit.

 “Një tjetër figurë e errët që po përpiqet me të gjitha forcat të bëhet pjesë e jetës politike dhe publike në Serbi, Çedomir Stojkoviq, i cili thotë se është avokati i Nikola Sanduloviçit, se edhe ai do të shkojë në Kosovë siç thotë ai, “personalisht të shkoj te varri i familjes Jashari dhe të vendos lule mbi varrin e Blerina Jasharit”, shkruan mediumi serb.

Spekulimet shkojnë edhe përtej. Sipas të njëjtit medium, është Kryetari i Republikanëve të Kosovës Faton Kurti, i cili është ndërlidhës mes Sanduloviqit dhe AKI-se.

(Kosova Sot Online)