Kjo është arsyeja pse mbreti Charles do të shtrohet në spital

  • A.P /
  • 17 January 2024 - 18:07
Kjo është arsyeja pse mbreti Charles do të shtrohet në spital

Mbreti Charles III pritet të shtrohet në spital javën e ardhshme për të trajtuar një komplikim me prostatë të zmadhuar, transmeton gazeta “Kosova Sot Online”.

Pallati Buckingham ka thënë se gjendja e Mbretit është e mirë, por ai do t’i nënshtrohet një “procedure korrigjuese”.

Ngjarjet publike të 75-vjeçarit do të shtyhen për një periudhë të shkurtër rikuperimi, ka thënë Pallati.

Njoftimi vjen pak pasi është kuptuar se Princesha e Uellsit është në spital, pasi i është nënshtruar një operimi abdominal.

“Është e zakonshme për mijëra burra çdo vit, Mbreti ka kërkuar trajtim për prostatë të zmadhuar”, është thënë në deklaratë.

Prostata beninje e zmadhuar – që është jokancerogjene – është e zakonshme për burrat mbi 50 vjet dhe zakonisht nuk është gjendje serioze shëndetësore, sipas autoriteteve shëndetësore britanike.

Rreth një në tre burra mbi moshën 50-vjeçare mund të kenë simptoma të prostatës së zmadhuar, e cila shkaktohet nga një gjëndër poshtë fshikëzës.

Kjo gjendje shëndetësore nuk nënkupton se pacienti ka rrezik të madh për të pasur kancer të prostatës.

(Kosova Sot Online)