Shërbimi Korrektues i Kosovës njofton se një i burgosur vdes në një aksident trafiku, ishte duke shkuar në punë

Shërbimi Korrektues i Kosovës ka njoftuar se sot në një aksident trafiku ka vdekur i burgosur, përcjell “Kosova Sot Online”.

Ai ishte duke u mbajtur në Qendrën Korrektuese të Smrekonicës, prej ku kishte dalë në mëngjes për të shkuar në punë.

“Shërbimi Korrektues i Kosovës njofton opinionin publik, se sot në një aksident trafiku ka ndërruar jetë i burgosuri, F.A. I njëjti po mbahej në Qendrën Korrektuese të Smrekonicës, nga ku kishe dalë sot rreth orë 06:35 për të shkuar në vendin e punës, ku sipas Udhëzimit Administrativ për punë jashtë institucioneve korrektuese, MD-nr. 04/2023, po punonte jashtë në një biznes privat.”

(Kosova Sot Online)