Maqedonci: Kosova pret oferatat nga SHBA
Ministri i Mbrojtjes, Ejup Maqedonci i është gëzuar lajmit se Kongresi në SHBA nuk ka kundërshtuar shitjen sistemit anti-tank Javeline, transmeton gazeta "Kosova Sot Online".
Kështu, Maqedonci thotë se tani Kosova pret oferatat nga SHBA-ja.
Ai deklaroi se është fakt i kryer paisja e Kosovës me Javeline.
“I gëzohemi lajmit që sot ka përfunduar periudha tridhjetë ditore e njoftimit të Kongresit të Shteteve të Bashkuara të Amerikës rreth kërkesës tonë për blerjen e sistemit anti-tank Javeline, rrjedhimisht mund të vazhdojmë hapat tjerë. Proceduralisht jemi në pritje të ofertës nga ana e ShBA-së, që pastaj bazuar në të dhe planin e zhvillimit të FSK-së të realizojmë blerjen. Javeline, sistem me të cilin do të pajiset FSK tashmë fakt i kryer”, ka thënë ministri i Mbrojtjes.
(Kosova Sot Online)
