Spahiu: A ka këndu në kohën e Arkanit Ceca në parlament të Serbisë?

Duke iu referuar performancës së tyre në seancën solemne të Kuvendit të Kosovës për shënimin e 26 vjetorit të Epopesë së UÇK’së, analisti Nexhmedin Spahiu ka deklaruar se këngëtarët Shkurte Fejza dhe Ilir Shaqiri nuk e kanë vendin në Kuvend, transmeton gazeta "Kosova Sot Online".

Spahiu duke folur për këtë çështje, ka bërë një krahasim duke thënë se “a ka këndu në kohën e Arkanit Ceca në parlament të Serbisë”.

“Jo, Shkurta edhe Iliri m’pëlqejnë jashtëzakonisht, i kam këngëtarë të preferuar, por nuk e kanë pas vendin që me këndu në parlament. Gjema një shembull tjetër…A ka këndu në kohën e Arkanit Ceca në parlament të Serbisë. Për ne o pezhorativ me përdor emrin Ceca, por për ata u kanë simbol i patriotizmit, në atë kohë për Serbinë. As në kohën e Millosheviqit nuk e kanë bë një send të tillë”, ka thënë Spahiu.

Ai e ka quajtur këtë “përdhosje të institucioneve”.

“Ajo ishte përdhosje e institucioneve. Pse e ka bë këtë, shko pyete atë e jo mua…Është një disrespekt ndaj institucioneve. Kjo tregon joseriozitet”, ka deklaruar Spahiu.

(Kosova Sot Online)