Ndërron jetë gruaja që u plagos mbrëmë në Prishtinë, ishte kalimtare e rastit

Ka ndërruar jetë në QKUK gruaja që u plagos mbrëmë pas gjuajtjeve me armë zjarri në rrugën “Jeronim De Rada”, në Prishtinë, përcjell “Kosova Sot Online”.

Këtë e ka konfirmuar, Shaqir Uka, shef i Klinikës së Intensivës në QKUK.

Uka ka thënë se pavarësisht përpjekjeve të stafit nuk ka arritur t’iu bëjë ballë plagëve të marra.

“Ka pasur dëmtim të lartë të enëve të gjakut dhe kockës së këmbës së majtë. Këto lëndime e kanë quar pacienten në gjendje të shokut. Pas operimit në Emergjencë është sjellur në Intensivë. Tek ne është sjellur në gjendje shumë të rëndë, në shok të rëndë. Pavarësisht tretmanit dhe përpjekjeve të stafit, ajo ka ndërruar jetë para pak çastesh”, ka thënë Uka.

(Kosova Sot Online)