AKB: Kosova me pagën minimale më të ulët në Europë, është diskriminuese edhe për punëtorët

Aleanca Kosovare e Bizneseve (AKB) ka mbajtur takimin e rregullt të Bordit udhëheqës, ku u diskutua për temat ekonomike, sociale dhe politike për vendin, përcjell “Kosova Sot Online”.

Paga minimale në Kosovë ishte një nga temat e rëndësishme të diskutimit.

Me këtë rast u theksua se Kosova ka pagën më të ulët në Ballkan dhe në Evropë.

Në njoftim thuhet se paga minimale e ulët është diskriminuese edhe për puntorët edhe për imazhin e Kosovës.

Postimi i plotë:

Kosova me pagën minimale më të ulët në Europë

Aleanca Kosovare e Bizneseve-AKB mbajti takimin e rregullt të Bordit udhëheqës ku u diskutuan shumë tema ekonomik,social dhe politike për vendin tonë.

Paga minimale në Kosovë ishte një nga temat e rëndësishme të diskutimit ku të gjithë u pajtuan se është më e ulët në Ballkan dhe në Evropë.

Paga minimale kaq e ulët është diskriminuese edhe për puntorët edhe për imazhin e Kosovës si vend i varfër që nuk ka perspektivë ekonomik,vendimi I pagesë minimale nga KES është marrë në vitin 2011 në 170€ dhe nga ajo kohë nuk ka pas ngritje asnjë herë.

Bordi I AKB-ës i kërkon bizneseve vendore dhe atyre të huajve që veprojnë me aktivitete e veta ekonomike në Kosovë që të I rrisin shërbimet dhe paga e puntorëve së paku 10 % nga baza e pagës kurse qeverisë i kërkojmë të rrite pagën minimal në 350€ pêr të gjitha kategoritë sociale duke i përfshirë Veteranët e UÇK-ës, kategoritë tjera sociale, puntorët sektorit të sigurisë fizike dhe tê objekteve dhe të shërbimeve higjienike.

Kryetari i Bordit te AKB-ës Agim Shahini tha se ky veprim është një hap i vogël për të parandaluar ikje e puntorëve nga Kosova.

Në këtë takim të Bordi udhëheqës të AKB-ës ishin të ftuar edhe ish Kryeministri i Kosovës z.Avdullah Hoti dhe ish zëvendëskryeministri z.Dritan Selmani ku na informuan rreth procesit të e punës së kuvendit në aspektin ekonomik dhe politik në Kosovë.

(Kosova Sot Online)