Osmani: Kosova, anëtarja e 47-të e KiE, është një synim që do të vazhdojmë ta ndjekim pa u ndalur
Presidentja e Kosovës, Vjosa Osmani, ka uruar Sekretarin e ri të Përgjithshëm të Këshillit të Europës, Alain Berset, përcjell “Kosova Sot Online”.
Osmani tha se Kosova s’do të heqë dorë drejt synimit për t’u bërë anëtare e organizatës dhe për këtë tha se do të punojë bashkë me të për ta bërë realitet.
“Urime për Alain Berset që u zgjodh Sekretari i ri i Përgjithshëm i Këshillit të Europës. Kosova është fuqishëm e përkushtuar për anëtarësimin në CoE – një anëtarësim që jo vetëm do të ishte një fitore për të drejtat e njeriut në Kosovë, por edhe një fitore për kontinentin tonë dhe vlerat mbi të cilat ai qëndron fuqishëm. Kosova, anëtarja e 47-të e KiE, është një synim që do të vazhdojmë ta ndjekim pa u ndalur. Mezi pres të punojmë së bashku për ta bërë realitet!”, ka shkruar Osmani në X.
Congratulations to @alain_berset for being elected the new Secretary General of the @CoE!
— Vjosa Osmani (@VjosaOsmaniPRKS) June 26, 2024
Kosovo is firmly committed to @CoE membership—a membership that would not only be a win for human rights in Kosovo, but also a win for our continent and the values it firmly stands on.… pic.twitter.com/dHBlCj7Res
(Kosova Sot Online)
