Ushtarët grekë të KFOR-it stërviten për t’u përballur me trazira në kamp në Novosellë

Ushtarët grekë nga batalioni i dytë shumëkombësh i Forcës Rezervë Operacionale të KFOR-it zhvilluan një stërvitje për kontrollin e trazirave të turmës dhe heqjen e pengesave në kampin në Novosellë, njoftoi misioni paqeruajtës i NATO-s në Kosovë, transmeton "Kosova Sot Online".

KFOR-i njoftoi se “stërvitja u mbështet nga ushtarët nga Batalioni Rezervë Taktik Hungarez i KFOR-it, të cilët i ndihmuan ata të familjarizohen me teknikat, taktikat dhe procedurat specifike për këto lloj ushtrimesh”.

KFOR-i rikujtoi se “vazhdon ta zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt për të gjithë”.

(Kosova Sot Online)