Alarmante: Zjarri iu afrohet shtëpive në këtë fshat të Kosovës
Raportohet se një situatë alarmante po paraqitettransmeton gazeta "Kosova Sot Online". në fshatin Sferkë të komunës së Klinës, transmeton gazeta "Kosova Sot Online".
Lidhur me rastin detaje ka dhënë drejtori i Shërbimeve Publike dhe Emergjencave, Qëndrim Millaku.
“Deri para gjysmë ore zjarri ka qenë larg shtëpive, tani ka filluar të afrohet në drejtim të shtëpive. Në vendin e ngjarjes janë njësitet e zjarrfikësve”, tha Millaku.
“Po ballafaqohemi me zjarre të shumta. Kemi kërkuar ndihmë edhe nga Agjencia për Menaxhimin e Emergjencave, me FSK e KFOR por deri më tani s’kemi marrë ndonjë përgjigje”, theksoi ai.
Ai theksoi se po ashtu kërkesë për ndihmë kanë bërë edhe tek komunat fqinje.
“Kemi kërkuar ndihmë edhe tek këto komunat fqinje. Unë personalisht kam telefonuar në Rahovec, por edhe ato komuna nuk po kanë mundësi të na dalin në ndihmë, shkaku se edhe ato po ballafaqohen me zjarre, ashtu sikurse edhe ne që nuk po kemi mundësi t’ju ndihmë tjerave”.
Rasti më i theksuar i zjarrit ishte ajo e Prevallës.
Për t’i shuar flakët, në ndihmë është dashur të del KFOR-i me helikopterët e tyre.
(Kosova Sot Online)
