Vazhdon të jetë në arrati personi për gjuajtjen me armë në Aktash

Brenda disa ditëve rehati nuk pati në lagjen “Aktash” të Prishtinës, transmeton gazeta “Kosova Sot Online”.

Të shtëna me armë zjarri aty janë dëgjuar edhe dje.

Ngjarja raportohet të ketë ndodhur rreth orës 14:19 kur një person është sulmuar fizikisht dhe është kërcënuar nën drejtimin e armës.

Në lidhje me këtë rast nga Policia e Kosovës u bë e ditur se viktima ka pranuar tretman mjekësor, kurjes i dyshuari vazhdon të ndodhet në arrati.

“Ankuesi mashkull kosovar ka raportuar se i dyshuari kosovar për motive të panjohura e ka sulmuar dhe i njëjti kishte përdorur edhe armën. Ankuesi ka pranuar tretman mjekësor. I dyshuari ndodhet në arrati. Rasti është duke u hetuar”.

(Kosova Sot Online)