Osmani përkujton Betejën e Koshares: Flakadani që nuk shuhet kurrë

Presidentja e Kosovës, Vjosa Osmani, ka përkujtuar Betejën e Koshares, transmeton gazeta “Kosova Sot Online”.

Ajo ka vlerësuar se kjo betejë është flakadan që nuk shuhet kurrë.

Në profilin e saj në “Facebook”, ajo ka shkruar se në këtë betejë vajzat dhe djemtë e UÇK-së frymëzuan breza të terë.

“Beteja e Koshares, flakadani që nuk shuhet kurrë! Aty ku regjimi gjenocidal i Serbisë kishte ngritur murin ndarës me Shqipërinë, vajza e djem të UÇK-së, ngritën një ideal e mbollën guxim e frymëzim për breza të tërë. Aty ku dukej e pamundura, ata sollën fitoren. Kosharja ishte një akt i pastër besimi se për liri, populli i Kosovës është i gatshëm të paguaj çdo çmim. Lavdi përjetë dëshmorëve të lirisë!”, ka shkruar Osmani.

(Kosova Sot Online)