Netanjahu flet pas sulmit që Izraeli kreu në Iran

Kryeministri i Izraelit, Benjamin Netanyahu, deklaroi të enjten se sulmet ajrore të ndërmarra kundër objektivave në Iran ishin një masë e domosdoshme për të garantuar sigurinë kombëtare të shtetit hebre, transmeton gazeta “Kosova Sot Online”.

Në një fjalim të transmetuar drejtpërdrejt, ai theksoi se operacioni ushtarak synonte të pengonte një kërcënim serioz që, sipas tij, vinte nga programi bërthamor iranian.

“Sot, nuk kemi kryer një sulm – kemi vepruar për vetëmbrojtje,” tha Netanyahu. “Për vite me radhë, Irani ka zhvilluar në mënyrë të fshehtë një kapacitet bërthamor që përbën një rrezik të papranueshëm për Izraelin. Ne jemi detyruar të veprojmë.”

Kryeministri sqaroi se objektivat e goditura ishin të përzgjedhur me kujdes dhe kishin karakter ushtarak e bërthamor. Ai mohoi çdo synim për të dëmtuar civilët dhe nënvizoi se qëllimi i Izraelit nuk është përshkallëzimi i konfliktit.

(Kosova Sot Online)