Qytetarët 'shpërthejnë' ndaj policëve të Kosovës: Veç n'kohën e Milloshit kështu kanë përdorë dhu*në

Ditë më parë Kosova u trondit, kur tre policë i shkelën autorizimet e tyre duke ushtruar dhunë ndaj një qytetari në Klinë, transmeton gazeta “Kosova Sot Online”.

Njëri nga policët, siç shihet në pamje, e godet pa ndalur në trup dhe fytyrë qytetarin, i cili nuk duket se reziston për t’u prangosur.

Derisa qytetarët në rrjetet socilae janë shprehur të revoltuar ndaj këtyre policëve që po i keqtrajtojnë qytetraët duke i krahasuar me kohën e regjimit të Millosheviçit.

Inspektorati Policor i Kosovës ka ndërmarrë veprime hetimore dhe ka rekomanduar suspendimin e tre policëve, të cilët janë arrestuar dhe janë ndaluar për 48 orë.

“Bazuar nga të gjeturat e hetimit fillestar ekziston dyshimi se zyrtarët  policorë kanë tejkaluar autorizimet e tyre gjatë përdorimit të forcës ndaj një qytetari përderisa në deklaratat e tyre dhe në raportet zyrtare është prezantuar një version që rezulton të jetë në kundërshtim të plotë me pamjet e incizuara dhe provat faktike”, thuhet në njoftimin e IPK-së.

(Kosova Sot Online)