Një person është gjetur i varur në disa rrethoja metali

Një 77-vjeçar, D.F., është gjetur i vdekur mëngjesin e sotëm, i cili ishte i varur në disa rrethoja metali të cilat shërbenin si rrethojë e një shtëpie, transmeton gazeta “Kosova Sot Online”.

Policia e Kosovës tha se me të marrë informatën ka dalë në vendin e ngjarjes bashkë me stafin mjekësor emergjent, i cili ka konstatuar vdekjen e viktimës.

“Me datën 18.08.2025, rreth orës 06:30, policia në Zveçan ka pranuar një informacion për një person që dyshohej se ishte pa shenja jete në rrugën “Mbreti Petar”, në Zveçan. Njësitet policore kanë dalë në vendin e ngjarjes, ku kanë vërejtur se personi me inicialet D.F., 77 vjeç, ishte gjetur i varur në disa rrethoja metali (grila) të cilat shërbenin si rrethojë e një shtëpie. Në lidhje me rastin, stafi mjekësor emergjent ka dalë në vendin e ngjarjes dhe ka konstatuar vdekjen e viktimës. Njësitet përkatës policore janë duke hetuar rrethanat e vdekjes”, ka njoftuar policia.

Lidhur me rastin është njoftuar Prokurori i Shtetit, i cili ka udhëzuar që rasti të iniciohet si “Vdekje e dyshimtë”, ndërsa trupi i pajetë, me urdhër të Prokurorit, është dërguar në Institutin e Mjekësisë Ligjore për obduksion.

(Kosova Sot Online)