Çmimet e specave për turshi në Kosovë pësojnë ngritje

Deri në 1 euro e gjysmë këtë vit qytetaret do të paguajnë për blerjen e specave për turshi, transmeton gazeta “Kosova Sot Online”.

Sipas shitësve rritja e çmimeve ka ardhur si pasojë e thatësirave dhe kushteve klimatike në vend.

Shitësi Riza Krasniqi tha se këtë vit çmimi është më i lartë se vitin e kaluar. Sipas tij, kilogrami i specave aktualisht shitet nga 1 euro e 30 deri në 1 euro e 50 centë, ndërsa vitin e kaluar çmimi ishte rreth 1 euro. Krasniqi shtoi se megjithëse ka interesim nga blerësit, periudha kryesore e shitjeve pritet të nisë në shtator.

“Momentalisht çmimet variojnë prej 1 euro e 30 deri në 1 euro e 50 centë. Sivjet janë më të shtrenjtë. Interesim ka, por sezoni i turshive fillon nga shtatori. Vjet ishin 1 euro, sivjet 1 euro e 50 centë. Nuk besoj se do të ulen, sepse kushtet atmosferike kanë ndikuar”, tha ai për eo.

(Kosova Sot Online)