Dramë në fluturim: Rrota e avionit këputet gjatë ngritjes

Një incident dramatik ajror ndodhi më 26 janar, kur një aeroplan i British Airways që fluturonte nga Las Vegasi për në Londër, humbi njërën nga rrotat e tij menjëherë pas ngritjes, transmeton gazeta "Kosova Sot Online".

Incidenti u filmua dhe u vu re nëpërmjet monitorimit të drejtpërdrejtë nga Flightradar24.

Pamjet tregojnë aeroplanin duke u ngritur normalisht, ndërsa disa sekonda më vonë një objekt shkëputet dhe bie në tokë, është një nga rrotat e marshit të uljes.

Sipas një deklarate nga Flightradar24, fluturimi BA274 i British Airways humbi rrotën e pasme të djathtë, nga ingranazhi kryesor i uljes së avionit Airbus A350-1000.

Pavarësisht të papriturës, ekuipazhi vazhdoi udhëtimin normalisht dhe avioni u ul në mënyrë të sigurt në aeroportin Heathrow në Londër, pa u raportuar për të lënduar.

(Kosova Sot Online)