Kurti: Problemet nuk erdhën nga artikulli i Bashës por kur është nënshrku Zajednica

Kryeministri i në detyrë Kosovës Albin Kurti, më në fund ka folur për dorëheqjen e ish-ministrit të Infrastrukturës dhe punimin akademik të Dimal Bashës të vitit 2012, bashkautor me Jana Arsovska, profesoreshë në Kolegjin e Drejtësisë Penale “John Jay”, ku thuhet se UÇK-ja kishte bashkëpunuar me kriminelë brenda dhe jashtë Kosovës, përfshirë paratë e drogës.

Kurti e ka justifikuar punimin e Bashës, duke përdorur sqarimin e vet Bashës që e dha para pak ditësh.

“Ai e ka dhënë sqarimin për atë publikim që është bërë para më shumë se një dekade dhe aty ka treguar se kapitulli që e ka shkruar ai nuk ka asgjë të bëj me Ushtrinë Çlirimtare të Kosovës. Edhe njëherë ka shprehur vlerësimet më të larta për UÇK-në”, tha Kurti

Madje ai tha se problemet në Kosovë nuk erdhën nga artikulli i Bashës si bashkëautor, duke sulmuar kështu Qeveritë e kaluara.

“Problemet i kemi kur është nënshrku Zajednica, kur janë amnistu kriminelët serbë, kur është votuar gjykata speciale, kur është themelu Lista Serbe në bashkëpunim me Beogradin, kur politikanët e Kosovës kanë bërë qeveri duke u varur nga kjo parti, kur kanë hy në pazare për ndarjen e Kosovës, e jo ky far artikulli ku manipulohet një pjesë e testit”.

Pa e uruar Bashën për pozitën e kryeparlamentarit, Kurti vazdhoj lobimin e tij për Nenad Rashiqin si nënkryetar të Kuvendit duke a ‘çuar në qiell’ me lëvdata.

“Nenad Rashiq e pranon Republikën e Kosovës, punon për institucionet e shtetit tonë dhe është ministri që ka bërë më së shumti për komunitetin serb në vendin tonë”

Ndërsa, i pyetur nga gazetarët se cili është qëndrimi i tij për largimin e Aliut, i cili erdhi pas zgjedhjes së Dimal Bashës kryetar të Kuvendit, Kurti shkurt tha se e falënderon dhe i uron suksese.

“E falënderoj ish ministrin për kontributin. Ne duhet të vazhdojmë përpara, pa humbur kohë e kam emëruar në këtë detyrë zëvendësministrin Hysen Durmishi”, tha ai.

Këto komente Kurti i dha në Fushë gjatë një inaugurimi të një kopshti për fëmijë dhe vendosjes së gurëthemelit të një shkolle.

(Kosova Sot Online)