Zyrtarisht sot fillon viti i ri shkollor: Urime nxënës të dashur
Me emocione dhe gëzim, sot nisi zyrtarisht viti i ri shkollor në të gjitha shkollat e vendit, transmeton gazeta "Kosova Sot Online".
Oborret e shkollave u mbushën me zërat e fëmijëve, ndërsa për shumë prindër e mësues, kjo ditë shënon një nga momentet më të rëndësishme të vitit.
Kjo është ditë e veçantë, sidomos për ata që për herë të parë u ulën në bankat e shkollës.
Me këtë rast "Kosova Sot Online" ua uron të gjithë nxënësve, një vit të mbarë shkollor veçanërisht atyre që sot nisin për herë të parë rrugëtimin e bukur në klasën e parë.
(Kosova Sot Online)
