Gruaja që vrau me kërpudha helmuese tre të afërmit e saj dënohet me burgim të përjetshëm

Një grua australiane është dënuar me burgim të përjetshëm, pa asnjë shans për lirim për të paktën 33 vjet, për vrasjen e tre të afërmve dhe përpjekjen për të vrarë një tjetër me kërpudha helmuese, transmeton gazeta "Kosova Sot Online".

Dënimi me burg, një nga më të gjatët që i është dhënë ndonjëherë një gruaje në Australi, do të thotë që 50-vjeçarja Erin Patterson, do të jetë në të 80-at para se të mund të aplikojë për lirim me kusht, raportoi të hënën BBC-ja.

Një gjyqtar i Gjykatës së Lartë tha se krimet e kryera nga përfshijnë “fshehje të hollësishme”.

Patterson vrau vjehrrin e saj, Don dhe Gail Pattersonin, të dy 70 vjeç, dhe motrën e Gailit, Heather Wilkinson, 66 vjeç, pasi u shërbeu atyre një mish viçi Ëellington të helmuar në shtëpinë e saj në Victoria në vitin 2023.

Ndërsa burri i Heatherit, Ian Wilkinson, i mbijetoi drekës pasi u shërua nga koma dhe ka probleme të vazhdueshme shëndetësore që lidhen me helmimin.

Pattersoni ka kohë që e mohon fajësinë, duke thënë se kërpudhat toksike në pjatën që ajo përgatiti u shtuan aksidentalisht dhe se kurrë nuk ka pasur ndërmend t’i dëmtonte të afërmit e saj.

Ajo do të vuajë tre dënime të njëpasnjëshme me burgim të përjetshëm për tre vrasjet dhe 25 vjet për tentativën e vrasjes së Wilkinsonit.

Gjatë fjalës së tij në shpalljen e dënimit, gjyqtari Christopher Beale tha se rëndësia e krimeve të kryera nga Pattersoni nënkupton shqiptimin e dënimit maksimal.

(Kosova Sot Online)