Paralajmëron kryeministrja daneze: Rusia nuk do të ndalet

Kryeministrja daneze Mette Frederiksen  në hapje të Samitit të Komunitetit Politik Evropian në Kopenhagë paralajmëroi për rrezikun nga Rusia, transmeton gazeta "Kosova Sot Online".

E shoqëruar nga presidenti i Këshillit Evropian, António Costa, dhe presidenti i Ukrainës, Volodymyr Zelenskyy, ajo tha:

“Gjatë muajve të fundit, është folur shumë për paqen në Ukrainë, me takime, takime paraprake dhe informime rreth takimeve, dhe ndërkohë, Rusia vazhdon sulmet e saj brutale. Tani duhet të jetë e qartë për të gjithë: Rusia nuk do të ndalet derisa të detyrohet ta bëjë këtë.”

Ajo shton se “kemi një detyrë të madhe përpara nesh: duhet ta bëjmë Evropën tonë të përbashkët aq të fortë sa lufta kundër nesh të bëhet e paimagjinueshme, dhe ne duhet ta bëjmë këtë tani”, tha ajo.

(Kosova Sot Online)