Zyrtarë të njësive speciale të policisë pjesë e garës në Jordani

Policia e Kosovës, përkatësisht zyrtarë të njësive speciale, po merr pjesë në garën “King Abdullah Special Operations Training Center” në Jordani.

Këtë vit pjesëmarrëse janë 38 ekipe nga shtete të ndryshme.

Ekipi i policisë është futur në pjesën finale, ku do të garojnë 15 ekipe.

“Policia e Kosovës (PK), konkretisht zyrtarë policorë të njësive speciale,  po marrin pjesë në një garë ndërkombëtare të njësive elitare policore/ushtarake të shteteve të ndryshme. Këtë vit pjesëmarrëse janë 38 ekipe të shteteve të ndryshme të botës. Në këtë garë njësitet elite policore si dhe ato ushtarake po garojnë në disa disiplina me shkallë të lartë të vështirësisë dhe taktikës, si gjuajtje me armë të llojeve të ndryshme, marshime me pesha të rënda dhe pjesë tjera të ushtrimeve të natyrës së kësaj fushe të oprimit policor/ushtarak. Policia e Kosovës me njësinë elite të saj po tregon profesionalizëm dhe rezultate pozitive në fusha të ndryshme karshi policive të shteteve të ndryshme ndërkombëtare. Ekipi i PK-së, ka arritur të futet në pjesën finale të garave ‘King Challange’, ku pjesëmarrëse në këtë fazë do të jenë 15 ekipet më të suksesshme të këtij organizimi/gare.”

(Kosova Sot Online)