Tre persona janë shoqëruar në polici pasi janë përfshirë në një rrahje

Tre persona janë shoqëruar në polici mëngjesin e sotëm në Prishtinë, pasi që të njëjtit janë përfshirë në një rrahje, transmeton gazeta "Kosova Sot Online".

Kështu është bërë e ditur nga policia e Kosovës.

Zëdhënësi i Policisë për Prishtinë, Enis Pllana, ka njoftuar edhe se si pasojë e rrahjes, një person ka pësuar lëndime.

“Sot rreth orës 09:30 është pranuar informata për një rrahje në progres në rrugën ‘Agim Ramdani’ në Prishtinë. Me të marrë informatën policia, ka arritur në vendin e ngjarjes dhe ka shoqëruar 3 persona të cilët ishin të përfshirë në rast.

Nga informacionet e para dyshohet që një person ka pësuar lëndime trupore dhe i njëjti ka pranuar tretman mjekësor. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, ka thënë Pllana.

(Kosova Sot Online)