Gjendet i vdekur një person në afërsi të një shtëpie të pabanuar

Policia e Kosovës është duke e hetuar një vdekje në Lipjan, transmeton gazeta "Kosova Sot Online".

Bazuar në informacionet e autoriteteve kosovare, një burrë është gjetur pa shenja jete në afërsi të një shtëpie të pabanuar, afërsisht 200 metra larg shtëpisë së tij.

Me vendim të prokurorit trupi i pajetë është dërguar në IML për obduksion.

“Viktima mashkull kosovar, është gjetur i shtrirë pa shenja jete, në një shtëpi të pa banuar afërsisht 200 metra larg shtëpisë së tij. Me vendim të prokurorit trupi i pajetë është dërguar në IML për Obduksion”, thuhet në raportin e policisë.

(Kosova Sot Online)