Rama: Ata që sakrifikuan dhe mbajtën gjallë idealin e lirisë janë gurët themelorë

Kryetari i Prishtinës, Përparim Rama në Ditën e Pavarësisë së Kosovës, tha se populli përulet me respekt të thellë para të gjithë atyre që kontribuuan në themelimin dhe konsolidimin e shtetit, transmeton gazeta "Kosova Sot Online".

Po ashtu, ai shtoi se ata që sakrifikuan, që vepruan me guxim dhe që mbajtën gjallë idealin e lirisë, janë gurët themelorë mbi të cilët qëndron sot Republika e Kosovës.

“Në këtë ditë të shënuar për historinë tonë, përulemi me respekt të thellë para të gjithë atyre që kontribuan në themelimin dhe konsolidimin e shtetësisë së Kosovës. Ata që sakrifikuan, që vepruan me guxim dhe që mbajtën gjallë idealin e lirisë, janë gurët themelorë mbi të cilët qëndron sot Republika jonë”, ka shkruar ai.

(Kosova Sot Online)