Riorganizimi i KPK-se edhe i KGJK-se është i domosdoshëm!

Shkruan: ANALISTI-Muhamet Kelmendi

Ndërtimin shtetit ligjor pa funksionim të KGJK-së dhe të KPK-së nuk mund të realizohet. Prokurorët dhe gjyqtarët janë bartësit e tërë sistemit të së drejtës. Nga prokuroret fillon, ndërtohet dhe mbrohen të drejtat dhe ligjet, ndërsa nga gjykatësit caktohet drejtësia mbi bazën e ligjit.

Lexoni edhe:

Njihuni me parashikimin e motit për sot dhe ditët në vijim

Mos funksionimi i këtyre mekanizmave ose shkeljet që mundë të bëhen nga këto dy organe të shtetit ligjor, nga KPK dhe i KGJK, e dëmtojnë sistemin dhe krijojnë shtet despotik dhe autoritar. Në këtë shtet nuk ka më ligje, përveç diktaturë. Shkeljet e të drejtave të njeriut dhe të qytetarëve bëhen të rënda dhe jashtë çdo ligji. Riorganizimin i  KPK në bazë të vërejtjeve dhe propozimeve të Komisionit të Venecias është i domosdoshëm. KPK  i dalë vetëm nga prokurorët dhe te KGJK nga gjyqtarët nuk janë treguar të suksesshëm. Shkaqet janë të ndryshme. Por ajo që është esenciale është mos suksesi i KPK-së dhe i KGJK-së në ndërtimin e një sistemi funksional ligjor. Përbërja e tyre me prokurorë dhe me gjyqtar, si dhe me profesione tjera, duke i dhënë mundësi Kuvendit që të merr pjesë në përzgjedhjen e dy anëtarëve  është gjë pozitive. Ky kombinim i KPK-së,  me tre anëtar që janë prokuror, me tre jo prokurorë,  duke përzgjedhur Kuvendi dy anëtar dhe një Avokati i Popullit, si dhe një  nga detyra zyrtare, përkatësisht Kryeprokurori i Shtetit, është përcaktim i mirë i KPK-së. Kjo formë e rregullimit dhe e përzgjedhjes duhet të realizohet edhe në KGJK. Këtu është dhe qëndron edhe përgjegjësia për mos funksionimin e gjykatave apo për neglizhencën dhe përsëritjen e gjykimeve për veprat e njëjta nëpër  gjykatat e shkallëve të ndryshme në Kosovë. Kjo duhet të ndalet.

Shkrimet në këtë rubrikë nuk shprehin qëndrimet e gazetës "Kosova Sot Online".