Tendenca për arrogancë me veprime ultimative kundër ligjit dhe qeverisë legale janë të pa pranueshme

Shkruan: ANALISTI: Arsim Aziri

Elementet e sistemit të kaluar nepotik e korruptiv ende janë në funksion, ama në funksion minimal. Tendencat për të kërcënuar pushtetin legjitim e demokratik janë të papranueshme dhe aspak dinjitoze dhe nuk përkojnë aspak me primesat e demokracive liberale madje as të shoqërive me ide përparimtare. Ne duhet të mësohemi njëherë e mirë që si shoqëri të funksionojmë mbi rregulla e norma që vetë i kemi vendosur, jo edhe të sillemi sikur gjërat duhet me vajtë sipas tekeve e qejfeve të dikujt e të disave.

Lexoni edhe:

Rusia pushtuese e territoreve në Ukrainë po ja kthen shpinën Serbisë, nuk e mbështet më në pretendimet për mbajtjen peng të shtetit të Kosovës

- Për rend dhe rregull kemi dhënë mbështetje politike, për mungesë rregullash është ndëshkuar e kaluara dhe është shtyrë e ardhmja. Kështu që gjithsecili në mendim konsideroj se duhet me qenë i kujdesshëm (në raport me zhvillimet e përgjithshme në vend) dhe jo të veprohet mbi baza të fuqishme emocionale apo të shfrytëzoj situatën aktuale për qëllime të pandershme politike. Ndërsa sa i përket pagave të mësimdhënësve grevistë theksoj se si kategori duhet të paguhen përmes alternativave të mundshme veçse ligjërisht qenka e pamundur për shkak të kundërthënieve ndërmjet neneve. Tek e fundit Qeveria është për të dhënë apo gjetur solucione adekuate të cilat ndikojnë në përmirësimin e mirëqenies së shoqërisë sonë. Ndërsa tendencat për veprime ultimative janë të pa pranueshme!

Askund nuk mjafton me qenë vetëm formalisht, vetëm si çështje imazhi, apo vetëm si çështje, paraqitje e dukje!

Lexoni edhe:

Pritjes së gjatë nga BE-ja duhet ti vije fundi, është koha e liberalizmit të vizave edhe për Kosovën

Të keqes apo regresit fillon me i kontribue qoftë edhe nëse subjekti ka vetëm prezencë formale jo edhe përmbajtjesore. E keqja nuk konsiston vetëm duke eliminuar të mirën apo duke pamundësuar zhvillimin progresiv, por ajo konsideroj se rezulton madje edhe fuqishëm duke e rritur nivelin formal, pra duke e rritë anën aparenciale. Prandaj dhe gjithnjë them se ka rëndësi se si qëndron në diçka, si e kapitalizon pozicionin ku bën pjesë, si i kontribuon mirëqenies së detyrës ku je.

Shkrimet në këtë rubrikë nuk shprehin qëndrimet e gazetës "Kosova Sot Online".