Figurat mbikohore të kombit tonë arbëror që kishin orientim të qartë europian

Nga Gjon Keka

Katër figurat mbikohore të kombit tonë arbëror që kishin orientim të qartë europian.

Të gjithë këta e donin kombin tonë brenda familjes europiane,sepse e dinin që atdheu i përbashkët i kombit tonë është Europa si familje e kombeve dhe si civilizim.

Por ajo që i bënë historikisht më interesante figurat e Gjergj Kastriotit (Skënderbeut), dr.Pjetër Bogdanit, dr.Ibrahim Rugovës dhe Ismail Kadares është fakti se, me intuitën e shkëlqyer të tyre, që zakonisht u përket njerëzve të mëdhenjë,fisnik, vizionar,e të urtë, këta donin marrëdhënie të ngushta që lidhin natyrshëm kombin arbëror me familjen europiane. E them natyrshëm,nga përkatësia e përbashkët europiane.

Me pak fjalë,jo rastësisht kryeheroi ynë Gjergj Kastrioti u bë mbrojtësi i civilizimit europian, jo rastësisht dr.Pjetër Bogdani i priu dardanëve kundër pushtuesit otoman sëbashku me europianët e kohës së tij, jo rastësisht presidenti dr.Ibrahim Rugova u bë dardani i urtë i Kosovës europiane,dhe jo rastësisht shkrimtari Ismail Kadare u bë promovuesi i madh i figurave europiane të kombit tonë, si:Gjergj Kastriotit(Skënderbeut) dhe Nënë Terezës dhe nëpërmjet romaneve të tij të përkthyera në shumë gjuhë të botës.

Shkrimet në këtë rubrikë nuk shprehin qëndrimet e gazetës "Kosova Sot Online".