Halili: Kosova në errësirë politike dhe diplomatike

Nga Nijazi Halili

Kosova po përballet me një nga momentet më të vështira që nga shpallja e pavarësisë: izolim ndërkombëtar, tensione të brendshme politike dhe rënie të besimit në institucionet shtetërore. Në këtë situatë të errësuar politike dhe diplomatike, bëhet i domosdoshëm ndërhyrja dhe mbështetja e faktorit ndërkombëtar, miqve të vërtetë të Kosovës, që historikisht kanë qëndruar pranë saj në momentet më të vështira.

Në këtë kontekst, dërgohet një thirrje e hapur:

Të dashur partnerë ndërkombëtarë, miq të Kosovës – SHBA, Bashkimi Evropian, Britania e Madhe, Gjermania, Franca, Italia dhe të tjerë – mos e lini Kosovën të zhytet në izolim dhe krizë institucionale!

Sot, më shumë se kurrë, qytetarët e Kosovës kanë nevojë për ndërhyrjen tuaj të mençur dhe të balancuar për të:

• Zhbllokuar proceset politike dhe institucionale.

• Rikthyer dialogun e sinqertë dhe konstruktiv me aleatët.

• Konsoliduar shtetin e së drejtës dhe funksionimin demokratik.

• Parandaluar humbjen e mbështetjes ndërkombëtare për shtetin më të ri në Europë.

Kosova është projekt euroatlantik dhe si i tillë kërkon kujdes të vazhdueshëm nga arkitektët e saj ndërkombëtarë. Mos lejoni që errësira e momentit ta përpijë vizionin euroatlantik të popullit të Kosovës.

Thirrja është për miqtë tanë që të sjellinë sërish dritë në këtë udhëkryq.

Shkrimet në këtë rubrikë nuk shprehin qëndrimet e gazetës "Kosova Sot Online"