Marceli i hapur për oferta nga klubet e tjera

Duket se e ardhmja e Marcelos është larg Real Madridit, pasi mbrojtësi anësor është shprehur i gatshëm t’i shqyrtojë ofertat nga klubet e tjera.

Humbja e vendit në formacionin startues të trajnerit Zinedine Zidane dhe fakti se ai i ka pasur disa probleme të ndryshme fizike në dy sezonet e fundit, e kanë bërë të mundur që braziliani ta mendojë largimin

Ferland Mendy ia ka zënë vendin atij në krahun e majtë të mbrojtës.

Mediat braziliane janë të bindura se Juventusi dhe Interi janë të gatshme të bëjnë oferta për Marcelon.

Nga largimi i Marcelos nuk do të përfitonte vetëm Mendy, por edhe Sergio Reguilon. I dalë nga akademia e Madridit, Reguilon e kaloi sezonin e kaluar në huazim te Sevilla.

Por problemi kryesor i largimit të Marcelos është paga e tij e majme. Braziliani i fiton 8 milionë euro në sezon dhe i ka edhe dy vjet kontratë me Madridin. 

(Kosova Sot Online)