Interi e shfrytëzon gabimin e Milanit, +6

  • A.P /
  • 04 mars 2021 - 23:00
Interi e shfrytëzon gabimin e Milanit, +6

Gjashtë pikë larg ndjekësit më të afërt, Milanit – Interi po vazhdon në rrugën e duhur drejt titullit në Itali pas 11 vjetësh.

Interi e ka shfrytëzuar më së miri gabimin e Milanit në xhiron e 25-të në Serie A.

Të besuarit e Antonio Contes kanë rrëmbyer pikët e plota në udhëtim te Parma, duke triumfuar 2-1.

Të dy golat për Interin i shënoi Alexis Sanchez. Ai shënoi fillimisht për 1-0 në minutën e 55-të, dhe më pas për 2-0 në atë të 61-të.

Krejt çka arriti Parma deri në fund ishte goli i nderit, i shënuan në minutën e 71-të nga Hernani.

Pas kësaj fitore, Interi ka shkuar në kuotën e 59 pikëve, duke lënë prapa Milanin në vendin e dytë me 53 pikë.

(Kosova Sot Online)